Saudi Arabia yafanya shambulizi la kushtukiza dhidi ya Israel wakidai mambo haya

Taarifa ya HabariSaudi Arabia imeweka wazi msimamo wake thabiti kuhusu suala la Palestina na Israel, ikisisitiza kuwa hakuna uhusiano wa kidiplomasia au utambuzi rasmi kwa Israel hadi pale taifa huru la Palestina litakapoundwa kulingana na mipaka ya mwaka 1967, na Jerusalem Mashariki iwe mji mkuu wa taifa hilo jipya. 

Kauli hii ya Riyadh imeibua mjadala mpana katika Mashariki ya Kati na jumuiya ya kimataifa, ikionyesha msimamo wa muda mrefu wa ufalme huo katika kulinda haki za Wapalestina.

Msingi wa msimamo huu unajikita katika Mpango wa Amani wa Kiarabu wa mwaka 2002, ambao Saudi Arabia imekuwa ikiusimamia kwa uthabiti.

Mpango huo unasisitiza kuwa utambuzi kamili wa Israel unaweza kupatikana tu baada ya kujiondoa kikamilifu katika ardhi zote za Wapalestina zilizokaliwa tangu mwaka 1967. 

Riyadh imekuwa ikisisitiza kuwa suluhu ya kudumu inahitaji kupatikana kwa haki za msingi za wananchi wa Palestina, ikiwemo haki ya kujitawala na kuunda taifa huru lenye mipaka iliyo wazi.

Zaidi ya suala la uhuru, Saudi Arabia imekuwa ikisisitiza haja ya dharura ya kusitisha mapigano na kuondolewa kwa majeshi ya Israel huko Gaza ili kuruhusu misaada ya kibinadamu kufika kwa raia na kutoa mwanya wa mazungumzo ya amani.

Riyadh imeonya kuwa kuendelea kwa mapigano kunazidisha hali mbaya ya kibinadamu na kuzuia juhudi za kidiplomasia zinazoweza kuleta utulivu wa kudumu.Kauli ya Saudi Arabia kuhusu Jerusalem Mashariki kuwa mji mkuu wa Palestina imeibua hisia kali. 

Wachambuzi wanasema kuwa kauli hiyo ni sawa na kuchora upya ramani ya kisiasa ya Mashariki ya Kati, jambo linaloweza kuchochea taharuki kubwa.

Kwa mfano, kulinganisha hali hiyo na kusema Dar es Salaam iwe mji mkuu wa Zanzibar kunadhihirisha ukubwa wa changamoto na moto wa kisiasa unaoweza kuwashwa kutokana na madai hayo.

Katika jumuiya ya kimataifa, msimamo wa Saudi Arabia umeungwa mkono na mataifa mengi ya Kiarabu na Kiislamu, huku mataifa ya Magharibi yakisisitiza umuhimu wa mazungumzo ya amani na suluhu ya kidiplomasia. 

Hata hivyo, ndani ya Israel, kauli hiyo imepokelewa kwa upinzani mkali, ikionekana kama tishio kwa madai ya taifa hilo juu ya Jerusalem kama mji wake mkuu usiogawanyika.

Kwa jumla, msimamo wa Saudi Arabia unatoa ujumbe wa wazi: hakuna utambuzi wa Israel bila taifa huru la Palestina lenye mipaka ya mwaka 1967 na Jerusalem Mashariki kama mji mkuu wake. 

Kauli hii imeweka Mashariki ya Kati katika hali ya taharuki mpya, ikionyesha kuwa suala la Palestina bado ni kiini cha mzozo wa muda mrefu unaohitaji suluhu ya kidiplomasia na kisiasa.Idadi ya maneno: